„Мастеркард“ ги воведува биометриските картички во Европа

Компанијата „Мастеркард" ги претстави резултатите од пилот-проектот за користење на биометриски картички во соработка со „Уникредит булбанка" во Бугарија.

Како што беше соопштено, новото решение ја комбинира чип-технологијата со автентификација со отпечаток од прст, за практично и сигурно да се потврди идентитетот на корисникот на картичката при купување во продавници.

Откако ова решение имаше своја премиера во Јужноафриканската Република, Бугарија е првиот европски пазар што ја тестираше напредната технологија.

За корисниците, сигурноста е на прво место, а биометриската технологија за автентификација, без сомнеж, обезбедува високо ниво на сигурност. Нашите истражувања покажаа дека Бугарите имаат доверба во придобивките што ги носи оваа инвентивна технологија и се подготвени за нејзиното воведување, изјави Артур Туремка, генерален директор за Балканот во „Мастеркард".