Марко Абрамовиќ е новиот генерален менаџер на „Сојапротеин“

Новиот генерален директор на „Сојапротеин" е Марко Абрамовиќ, објавија од оваа компанија. 

Како што стои во соопштението, Абрамовиќ има искуство во областа на бизнисот со масла за јадење стекнато во компанијата „Витал", каде ја извршуваше функцијата генерален директор. Освен тоа, има значајно искуство од банкарскиот сектор, стекнато во банката „Интеса".

Од компанијата очекуваат дека Абрамовиќ ќе придонесе за деловните перформаси на „Сојапротеин" во управувањето на производствените погони за преработка на масла за јадење, но и во финансискиот менаџмент.

Целите на компанијата за наредниот период се унапредување на позициите на нови пазари за соини протеински концентрати и континуиран пораст на деловните резултати.

Синиша Кошутиќ, кој четири години беше на позицијата генерален менаџер на „Сојапротеин", ќе ја продолжи кариерата како директор на дивизијата за производство на масло и протеини во „Викториа Груп" и генерален директор на „Викториаоил".