„Мади“ ја достигна планираната цел

Компанијата „Мади" од Тешањ соопшти дека успеа да се позиционира на врвот во производството на свежо и смрзнато пилешко во БиХ и дека ја оствари целта, која е резултат на повеќегодишните подготовки на пазарот и на производството.

Кон крајот на јуни годинава, „Мади" ја пушти во погон најголемата кланица за преработка на пилешко месо во БиХ и тогаш од компанијата изјавија дека сакаат да ја достигнат лидерската позиција во производството на свежи и смрзнати пилиња. Со произведените 6,1 милиони бројлери во првата половина од годината, од „Мади" истакнуваат дека ја достигнале и ја оствариле зацртаната цел.

Во постојаното проширување на нашиот производствен асортиман, им дојде редот и на конзервираните производи. Со гордост најавуваме дека од септември во асортиманот ќе бидат влкучени нови шест артикли, од категориите кокошкина паштета и пилешки нарезок. Со тоа ќе ја заокружиме производната програма и ќе ја достигнеме бројката од 80 производи, која беше нашата крајна цел, изјавија од „Мади".