„Лидл“ во Марибор со нов концепт

Во Марибор, во присуство на генералниот директор на компанијата „Лидл" – Словенија Грегор Коси, отворен е „Лидл" кој е изграден и уреден според нов концепт.

Од компанијата порачуваат дека промената на новиот концепт е важен двигател во позиционирањето на „Лидл" и дека новиот објект се одликува со модерен и инспиративен ентериер, а фокусот е на потрошувачите, персоналот и грижата за животната средина.

Во објектот се вложени три милиони евра, а изграден е за три месеци. 

Одлуката за отворање на продавницата со новиот концепт во Марибор, се поклопува со планираната изградба и отворање на нови објекти. Се гордееме што нашата најмодерна продавнца се наоѓа на место каде сме многу добро прифатени од купувачите, изјави Коси на свеченото отворање на објектот.

Во наредниот период „Лидл" – Словенија постепено ќе реновираат објекти, а во план е отворање и на нови продавници.