„Лидл“ планира големи инвестиции

За следната година трговскиот синџир „Лидл" - Хрватска планира инвестиција вредна 40 милиони евра, во споредба со минатата година кога е инвестирано 35 милиони евра.

Оваа година ќе биде подобра за „Лидл", изјави Борис Лукшиќ, претседател на управата на „Лидл" на прес-конференцијата, но не сакаше да зборува за конкретни показатели од работењето. Тој нагласи дека „Лидл"  позитивно се развива во сите нивоа на работењето, а прометот се зголемува од година во година.

„Лидл" планира да продолжи со отворање на нови продавници, а најавено е дека до крајот на овој месец ќе бидат отворени уште две, со што вкупната бројка на „Лидл" во Хрватска ќе достигне 88 продавници.

На прес-конференцијата од „Лидл" го претставија и новиот претседател на управата за Хрватска – Борис Лозиќ, кој од 4 декември ја презема оваа функција. Тој доаѓа од позицијата член на управата за продажба во „Лидл" – Швајцарија. Досегашниот претседател на управата Борис Лукшиќ, заминува на местото член на управата во „Кауфленд", што работи во рамките на „Шварц груп".