„Лидл“ купи земјиште во Вождовац

„Лидл" купи земјиште во белградската општина Вождовац, каде што во периодот што доаѓа ќе биде изграден еден од објектите на светски познатиот синџир, потврдено е од компанијата.

Меѓутоа, сè уште не се знае кога ќе почне изградбата на објектот на ул. „Сава Машковиќ".

Можеме да го потврдиме купувањето на наведените локации во Белград, но датумите за почетокот на градењето и отворањето на идните продавници, во моментов не можеме да ги прецизираме. Како што е познато, политиката на „Лидл" за работењето во Европа е купување на повеќе земјишта и отворање на повеќе објекти. Таквиот начин на работа го применуваме и во Србија, изјавија од „Лидл".

Гласините за доаѓањето на „Лидл" во Србија траат со години, но досега не беше потврдено колку објекти треба да се отворат и на кои локации.