Lejla - нова вода на „Сарајевска пивара“

„Сарајевска пивара" на пазарот во Босна и Херцеговина пушти нов производ, природна изворска вода - Lejla, чие заштитно лице е популарниот пејач и кантавтор Хари Варешановиќ („Хари Мата Хари").

Како што соопшти компанијата, „Лејла" е чиста, природна, изворска вода, од подземни лежишта на вода на планината Требевиќ, која се црпе од сопствен бунар на „Сарајевска пивара", на длабочина од 297 метри.

По целосното редизајнирање на Sarajevsko pivo и проиширувањето на палетата на пива, дојде време да го модернизираме и сегментот на води што ги полни „Сарајевска пивара", како една од ретките пиварници што имаат сопствен извор на вода, со три бунари, вели Златко Рамиќ, генерален директор на компанијата.

Хари Варешановиќ во 2006 година беше претставник на Босна и Херцеговина на изборот на песна на Евровизија во Атина, каде што ја изведе песната „Лејла" и го освои третото место, што е најдобар пласман на БИХ на „Евросонг".