„Лакталис“ сопственик на поголемиот дел од „Љубљанске млекарне“

Групацијата „Лакталис“, една од најголемите светски произведувачи на млеко и млечни производи, кон крајот на октомври, постигна договор за преземање на 50,3% од сопствеништвото на „Љубљанске млекарне“, за неофицијална сума од околу 20 милиони евра.

Групацијата „Лакталис", една од најголемите светски произведувачи на млеко и млечни производи, кон крајот на октомври, постигна договор со холдингот НФД, банката КД, банката „Фактор", фондот „КД Делнишки Доходковни" и „Сава" за преземање на 50,3% од сопствеништвото на „Љубљанске млекарне", за неофицијална сума од околу 20 милиони евра.

Претставниците од францускиот „Лакталис", кон средината на ноември, одржаа состанок со министерот за земјоделство и животна средина, Франц Богович, и во таа пригода истакнаа дека во интерес им е понатамошен развој на земјоделството и производството на млекото во Словенија.
„Лакталис" работи во 56 земји во светот и годишно собира и преработува околу 14,5 милијарди литри млеко. Основан е во 1933 година, а во 2010 година оствари приход од околу 15 милијарди евра и вработи околу 55.000 работници. Групацијата е присутна и во југоисточна Европа (во Хрватска се сопственици на „Дукат"), а со купувањето на „Љубљанске млекарне" зајакната е позицијата на овој пазар.