„Лабуд“ и „Бадел“ добија нов сопственик

Компанијата „Метеор" од Ѓаково е новиот сопственик на „Лабуд" и на „Бадел", и двете компании дел од згрепската групација ТИТА, во сопственост на Иван Вучковиќ.

Веста за „Глас Славоније" ја порврди Анте Распудиќ, сопственик и директор на „Метеор".

„Метор" е производител на средства за чистење и по тоа е сличен со „Лабуд", иако деловните резултати на двете компании значително се разликуваат. „Метеор" има 78 вработени, приходи во висина од 7 милиони евра, а добивката во 2014 година изнесуваше 370 илјади евра. „Лабуд" има 182 вработени, 20,3 милиони евра приход, но и загуба од повеќе од 2,6 милиони евра во 2012 година, 2,1 милиони во 2013 година и 1,4 милиони минатата година, пишува „Пословни дневник".

Вториот член на групацијата ТИТА – „Бадел", производителот на оцет и на алкохолни пијалаци, познат по брендот Kisko, на почетокот од 2011 година ја купи фабриката „Сегестица" во Сисак, по што го пресели производството во централниот дел од Хрватска.