„Краш“ ја зголеми добивката за 40%

Минатата година „Краш" ја заврши со нето-добивка од околу 1,84 милиони евра, што е за 40 отсто повеќе од минатата година, објавено е од страна на оваа кондиторска индустрија.

Бруто-добивката на „Краш" остварена во деловната 2014 година изнесуваше околу 44 милиони евра и е речиси на истото ниво како и минатата година, пишува poslovni.hr.

Според неревидираните консолидирани податоци минатата година „Краш" оствари вкупно приходи од 132,5 милиони евра, што е за 2,5 отсто повеќе од минатата година. Вкупните приходи од продажбата изнесуваа околу 128,9 милиони евра, од кои на домашниот пазар остварени се околу 72,4 милиони евра, а од извоз остварени се околу 56,5 милиони евра.

Во однос на 2013 година вкупните расходи достигнаа 2,5 отсто, а на зголемувањето на расходите неповолно влијаеја зголемувањата на цените на основните суровини, како што се какаото, преработките од какао, млечните преработки и сл.

И покрај неповолните услови, „Краш" минатата година го зголеми извозот за 7,4 отсто во споредба со минатата година, а го зголеми и бројот на извозни пазари проширувајќи се во Јапонија, Јужна Кореја, Грција и Романија.