Конзорциумот на сопственици ќе ги продава акциите во „Геа“

Конзорциумот на сопственици на фабриката за масло „Геа", во чија што сопственост се 60 отсто од компанијата од Словенска Бистрица, на 5 јули потпиша договор за заедничка продажба на акциите, кој го објави на Љубљанската берза.

Речиси половина од акциите што ќе бидат понудени за продажба ѝ припаѓаат на „КД груп", односно на филијалите на групацијата, кои заедно ќе го продадат 26,9-процентниот удел. Во конзорциумот се вклучени и осигурителното друштво „Адриатик Словеника", здружението за управување ТКЦ, Приморските фондови од Копер и претпријатието „Апис-Вита" од Фрам.

И покрај предизвикувачката состојба на пазарот, минатата година „Геа" оствари приход од продажба во износ од 24,5 милиони евра, што е за четири отсто помалку во однос на претходната година и за три отсто помалку од планираното. Нето-профитот изнесуваше 182.000 евра, петпати повеќе од 2015 година.