Конкурс за стажирање во кеш & кери „Метро“

Кеш & кери „Метро" отвори конкурс за двегодишно стажирање во Србија и во странство, наменет за оние кои неодамна дипломирале или упишале магистерски студии.

Како што е соопштено од компанијата, кандидатите кои ќе бидат избрани ќе бидат вклучени во интернационалната двегодишна програма за едукација преку работа, во рамките на која компанијата ги подготвува своите идни менаџери.

Програмата подразбира работа на различни проекти и позиции внатре во компанијата „Метро", а две од вкупно петте фази на стажирањето ќе се одвиваат во централната компанија во Диселдорф, Германија, се наведува во соопштението. 

Програмата за стажирање на кеш & кери „Метро" е наменета за оние кои завршуваат или неодамна го завршиле студирањето на некои од факултетите од областите: менаџмент, економија, трговија, хотелиерство и угостителство. Од кандидатите се очекува и одлично познавање на англискиот јазик.