Компаниите со халал сертификат остваруваат поголем промет

Според податоците за 2014 година компаниите што работат според халал-стандардите на годишно ниво оствариле околу 766,9 милиони евра. Ова се дел од податоците од анализата „Лична карта на халал индустријата во БИХ".

Во неа, уште е потенцирано дека во 2014 година, бројот на вработени во овие компании достигнува околу 8.000 луѓе, а вкупниот годишен обем на производство е 633.000 тони.

Агенцијата за сертификација годинава ја почнува со 78 клиенти – компании чие производство е во согласност со барањата на халал-стандардот BAS 1049:2010. Во БИХ, во секторот трговија со стока за широка потрошувачка, 56 компании го имаат овој сертификат, а на полиците во маркетите во понуда се повеќе од 5.000 сертифицирани производи. 

Во текот на 2015 година имплементацијата на халал-стандардот ја завршиле 18 нови компании, каде што се вработени 298 луѓе.

Како што истакнуваат од Агенцијата за сертифицирање на халал-квалитетот, тие веќе пет години користат брзи тестери за анализа на недозволените сосотојки во суровините, полупроизводите, производите и во јадењата. Анализата се врши за да се откријат недозволените сосотојки како: алкохол, свински протеини, свинска маснотија и ГМО. Досега се направени 400 анализи со брзи тестирања, а минатата година се направени 50 анализи.

Споредбената анализа на податоците покажува дека 2015 е најуспешна година, во поглед на работењето на Агенцијата, но и во поглед на развојот на халал-стандардот и воопшто халал-пазарот во БИХ, изјавуваат од Агенцијата за сертифицирање на халал квалитетот.