„Кофола“ заинтересирана за купување на „Раденска“

Чешкиот производител на безалкохолни пијалаци „Кофола" е заинтересиран за купувањето на словенечкиот производител на минерални води „Раденска".

Преговорите се во почетна фаза. „Раденска" освен водечката позиција во Словенија, има силна позиција во Хрватска, добра дистрибутивна мрежа, а со тоа може да биде капија за влез во целиот Балкан, пишуваат чешките и словенечките медиуми, а пренесува агенцијата „Танјуг".

„Кофола" бара можност за влез и на српскиот пазар. Главната цел на компанијата е да поседува дистрибутивна мрежа на Балканот и по можност квалитетен локален бренд. „Раденска" е вистинскиот избор затоа што ги поседува сите критериуми не само за словенечкиот, туку и за пазарите во земјите од поранешна Југославија.