„Кофола“ заедно со семејството Полич во трка за „Раденска“

Во настојувањето да ја презеде „Раденска", чешка „Кофола" се соедини со семејството Полич, кое исто така се кандидираше за преземање на истата компанија.

Семејството Полич веќе соработува со „Раденска", така што ги дистрибуира нејзините производи на азиските пазари.

Од „Кофола" порачуваат дека „Раденска" има добар потенцијал за динамичен пораст, а тоа е, како што велат, можно само ако се почитува локалната деловна средина. „Кофола" и семејството Полич ќе бараат и дополнителни можности за инвестирање во регионот.

„Раденска" би станала стратешко средиште за понатамошни преземања во соседните држави, рече за љубљански „Дневник" Мариан Шефчович, кој ја води проектната група за преземање на „Раденска".