„Клас“ почна со откуп и извоз на печурки и плодови од смрека

По почнувањето со работа со малини и јаткасто овошје, комапнијата „Клас" од Сараево успешно почна со откуп и преработка на печурки и плодови од смрека.

Овие денови со германски партнер е договорен извоз од околу 40 тони шумски печурки и плодови од смрека на пазарите во Германија, Словенија, Италија и Франција. Од 200 домашни кооперанти од подрачјето Горажде во овогодишната сезона откупено е околу 20 тони сушени печурки од сортите вргањ и црна труба, како и 20 тони шумски смреки.

Во периодот кој е пред нас ќе го шириме бројот на откупните места и ќе работиме на договори со задругите. План е „Клас" во следната година да го зголеми бројот на кооперанти на 600 и откупот да се прошири на сите општини во кои успеваат печурките и смреките, со фокус на подрачјето средна Босна, Подриња и источна Босна, што вкупно опфаќа 20 босанскохерцеговски општини, изјави директорот на компанијата „Клас" – Сараево, Русмир Хрвиќ.

На тој начин компанијата ќе се стекне со услови за откуп на 50 тони сув вргањ, 20 тони сув див лук, два тона сув смрчак и 100 тони плодови смрека. Планот со зголемување на откупот, подразбира и зголемување на капацитетот, потоа бројот на вработени за преработка и за набавка на суровини.