„Клас“ почна со извоз на органски сомуни во ЕУ

Прехранбената индустрија „Клас" од Сараево, успешно ја имплементираше програмата за сертифицирање на органското производство и извоз на своите производи – Сараевски сомун и Сомун од интегрално брашно.

Како што истакнуваат од компанијата, ова се првите пекарски производи од БИХ, кои под ознаката „ЕU organic logo" почнаа да се извазуваат во Данска, како и на другите пазари во ЕУ.

Веќе подолго време на светските пазари е изразен трендот на зголемена побарувачка на органски производи и во таа насока „Клас" ги постави темелите на еден нов сегмент за развој на своите брендови. Не беше тешко да се сертифицира нешто што и онака е здраво и квалитено, како што се сомуните, кои претставуваат врвен деликатес во босанската кујна. Ќе продолжиме да ја развиваме оваа програма за, на европските и светските пазари, да се етаблираме како производител на органска храна, изјави Русмир Хрвиќ, директор на компанијата „Клас" – Сараево.