„Кауфланд“ ги зголемува платите за 11%

Менаџментот на трговскиот синџир „Кауфланд" во Хрватска, кој моментално вработува околу 3.500 луѓе, донел одлука за зголемување на платите на поголемиот дел од вработените.

За нашиот успех се заслужни сите наши вработени. Затоа одлучивме да ги наградиме за трудот што го вложуваат при секојдневното работење. Водени од желбата нашите вработени да бидат задоволни и мотивирани и сакајќи да им овозможиме поголема сигурност и можности, донесовме одлука да ги зголемиме платите на повеќето вработени на нераководни позиции, изјави претседателот на управата на компанијата, Владимир Томко.

Според информациите од „Кауфланд", тоа значи дека во зависност од позицијата во компанијата, компанијата за вработените ќе обезбеди плата што во просек ќе биде повисока за 11,3% во однос на досега просечно исплатената плата, а зголемувањето ќе се реализира во два чекора, во текот на оваа и на следната година.