Картичката за лојалност на „Туш“ отсега и како е-картичка

Картичката на „Туш" во рамки на програмата за лојалност која нуди погодности при купување во сите маркети на групацијата „Туш" отсега е достапна и во електронска форма, соопштуваат од компанијата. 

Новата картичка ги задржува сите погодности што ги има и досегашната пластична картичка, но на потрошувачите им нуди можност за нејзино префрлување на мобилен телефон, така што секогаш ќе ја имаат „при рака". 

Клубот на „Туш" брои повеќе од 540.000 членови и на секој од нив ќе му биде достапна и е-картичката. Денес, мобилните телефони се секогаш со нас, некогаш и 24 часа во денот и затоа одлучивме на нашите членови да им го понудиме и овој новитет, објаснуваат од „Туш". 

Членството во клубот на „Туш" е бесплатно, а на корисниците им носи низа погодности и попусти, евтини патувања, наградни игри, поповолно гориво на бензиските станици „Мол", посебни погодности во дрогериите на „Туш" и слично.