„Карнекс“ извезува во Швајцарија и Австрија

Компанијата „Карнекс" соопшти дека по продорот и успешното тргување на словенечкиот пазар, почна со продажба на паштети и месни нарезоци и на пазарите во Швајцарија и Австрија.

Пласманот на нашите производи на пазарот на ЕУ, земјите на ЦЕФТА, но и на пазарите на Царинската унија (Русија, Белорусија и Казахстан) претставува голем успех и можност за понатамошен развој и унапредување на нашето работење, но и подобрување на домашното стопанство, истакнаа од „Карнекс".

Како што се наведува во соопштението, „Карнекс" е една од ретките компании во Србија што ги задоволува сите услови за добивање извозен контролен број што е гаранција за квалитетот и овозможува непречен извоз и трговија на производите во Европската унија.

Компанијата со производниот пристап „од нива до трпеза" овозможува потполна контрола на целокупниот процес, од сопствено производство на сточна храна, одгледување свињи на домашни фарми, заклучно со производство на крајниот производ. На тој начин се достигнуваат највисоките стандарди за квалитет, а „Карнекс" продолжува да инвестира во проширување на постоечките и изградба на нови капацитети за да ги задоволи потребите на купувачите, но и да се одржи во кругот на успешните, угледните и општествено одговорните компании, порачуваат од компанијата.