„Карнекс“ доби Халал сертификат

Индустријата за месо „Карнекс“ што работи во рамките на „МК Група“ го доби Халал-сертификатот за квалитет и безбедност на храна врз основа на низа спроведени и контролирани постапки во процесот на производството, одобрени од страна на Агенцијата за сертификација.

Индустријата за месо „Карнекс" што работи во рамките на „МК Група" го доби Халал-сертификатот за квалитет и безбедност на храна врз основа на низа спроведени и контролирани постапки во процесот на производството, одобрени од страна на Агенцијата за сертификација.

Во првата фаза сертифицирани се три производи на „Карнекс": говедски гулаш, сува говедска пршута и сува говедска пршута со лук, а во план е сертифицирање и на портфолиото на пилешката, говедската и рибната програма.

Стандардот Халал е базиран на превентивно-проактивни методи и компатибилен е со другите меѓународни стандарди со кои се уредуваат областите за квалитетно управување на производството (ISO, HACCP и други). Добивањето на сертификатот и исполнувањето на Халал-стандардите претставува дополнителна потврда за квалитетот на производите на „Карнекс" и овозможува значајно проширување на пазарот и зголемување на извозот на производи, пред сè во државите во кои живеат голем број на жители со исламска вероисповест, истакнуваат од службата за медиуми на „Карнекс".