Кармен Пангос го презеде водството на „Крашкомерц“

Кармен Пангос, професионалец со долгогодишно искуство во продажба на стоки за широка потрошувачка, го презеде водството на „Крашкомерц", словенечката ќерка-фирма во состав на групацијата „Краш".

Најголемиот дел од својата кариера Пангос го поминала во словенечката компанија „Жито", на почетокот како директор за извоз, подоцна како директор за продажба, а по интеграцијата на „Жито" со хрватска „Подравка" и како директор за продажба во „Подравка - Жито".

Како нејзини квалитети кои ќе придонесат за развој на компанијата, словенечките медиуми ги оценуваат меѓународното искуство, добро познавање на регионот и пазарот во Словенија, кои, според оценките,  ќе оставаат трага во развојот на компанијата „Крашкомерц" во поглед на развој на порастот.

Свесна сум дека во иднина работењето ќе се темели на задоволување на очекувањата на потрошувачите, на нови пристапи и нови одговорности. Во сегментите во кои сме лидер на пазарот ќе се трудиме таквата позиција да ја унапредиме уште повеќе, вели Пангос.

Фокусот на компанијата, во периодот што претстои, како што најавува, ќе биде насочен и кон сегментите во кои во моментов не се лидери на пазарот, а во кои гледат можности за пораст.