„Карловарски минерални води“ отсега на регионалните пазари

По преземањето на словенечката „Раденска" од страна на чешката „Кофола", на пазарот на минерални води во регионот наскоро влегува уште еден значаен чешки играч.

Мултинационалната компанија „Карловарски минерални води" (КМВ) која во категоријата минерални води, во Чешка има пазарен удел над 50 отсто, во текот на летото во Словенија  основаше претставништво и очекува производите наскоро да ги пласира на трговските полици.

InStore дознава дека КМВ ќе почне со освојување на словенечкиот пазар, а потоа и на пазарите од поранешна Југославија и тоа со два бренда Mattoni и Magnesia.

| За компанијата КМВДенес, компанијата е еден од најголемите чешки производители на изворска и минерална вода и основана е од Хенри Матони во 1873 година. Изворите се во близина на Карлови Вари. Сегашниот облик го добива во 1990 година.Во првото полугодие од 2015 година КМВ оствари пораст на продажбата од 31 отсто во спредба со истиот период минатата година, остварувајќи промет од 130 милиони евра. Компанијата извезува во повеќе од 26 држави, а вработува околу 950 работници. |