Кафето поскапува за 50 отсто

Црногорските производители најавија поскапување на кафето за 50 отсто, откако почна примената на Законот за данок на кафето.

Сопственикот на компанијата „Мокамард", Драган Марковиќ, која ги произведува кафињата Kopa и MMS, рече дека е неминовно поскапувањето на кафето и тоа за 40 до 50 отсто од моменталната цена.

Во зависност од резервите кафето може да поскапи за еден или два месеца, но штом ги снема резервите поскапувањето е неминовно, рече Марковиќ.

Тој додава дека е многу чудно што е воведен помал данок на увезеното кафе, за разлика од она што тие го произведуваат. Увезеното кафе ќе биде поевтино за 40 центи за килограм за разлика од кафето произведеното на пазарот во Црна Гора, што претставува проблем бидејќи им се дава предност на странските пред домашните кафиња, објасни Марковиќ.

И сопственикот на компанијата „Црнагоракоп", Недељко Бабиќ, се сложува дека е неизбежно поскапувањето на кафето, додавајќи дека малопродажната цена на кафето Crnagorakop наскоро ќе биде одредена.

Кафето ќе биде поскапо, бидејќи даночните обврски се поголеми од чинењето на кафето, рече Бабиќ.