Кадровски промени во „Лореал“

Тина Слабе е новиот менаџер за продажба во дивизијата производи за широка потрошувачка во „Лореал“ – Словенија, а досегашната директорка на оваа дивизија Јадранка Барлиќ ќе биде директор на категоријата производи во „Лореал“ за јадранскиот регион.

Тина Слабе е новиот менаџер за продажба во дивизијата производи за широка потрошувачка во „Лореал" – Словенија, а досегашната директорка на оваа дивизија Јадранка Барлиќ ќе биде директор на категоријата производи во „Лореал" за јадранскиот регион.

Слабе дипломирала на универзитетот „Бригам Јанг" во Јута, САД, а својата кариера ја започнала во „Каунтерпарт интернешнал" во Вашингтон.

По враќањето во Словенија, најпрвин работела во секторот продажба и маркетинг за англиско говорно подрачје во „Превент глобал", а потоа го превзема водењето на набавки и продажба во ТКГ.

Последните пет години била менаџер во одделението за клучни купувачи во „Кока-Кола Хеленик" – Словенија.

Јадранка Барлиќ пак од сега ќе го води цел јадрански регион, каде спаѓаат Хрватска, Босна и Херцеговина, Црна Гора, Албанија, Косово и Македонија.

Барлиќ работи во „Лореал" – Словенија од основањето на компанијата, а во последните шест години била одговорна за маркетинг и продажба на производи за широка потрошувачка.