„Јумис“ го унапредува тргувањето

По пласманот на рускиот пазар, производите од прехранбената индустрија „Јумис" од февруари се наоѓаат и на пазарот во Белорусија. Супите и зачините на „Јумис" за една недела ќе се најдат и во малопродажните објекти во Сомалија.

Проширувањето на извозот овде не завршува – во април „Јумис" со помош на регионалниот партнер „Орбико", ќе ја пласира целокупната палета на производи на пазарот во Романија.

Со цел постигнувње на високи стандарди и гаранција на квалитетот на производите, „Јумис" континуирано инвестира во проширување на постоечките капацитети, за да ги задоволи потребите на купувачите. Во почетокот на април на пазарот ќе се најдат четири видови на нудли со врвен квалитет и редизајнирана амбалажа на супите, со што дополнително ќе го збогатиме портфолиото на производи и пазарната позиција, рече директорот за продажба, Милан Марковиќ.

„Јумис" неодамна успешно го заврши тестирањето за меѓународниот сертификат за безбедност на храната ИФС, како потврда за сигурноста и квалитетот на производите. Овој сертификат е признаен од трговците, услужните компании и производителите низ целиот свет.