Јубилеј на „Карлсберг“ - Србија

„Карлсберг" - Србија одбележа 125 години од основањето на пиварницата во Челарево, која веќе 14 години е во состав на данската групација.

Главен настан на прославата беше промовирањето на монографија „Чудото во Чиб", во која е претставена историјата на пиварницата и нејзиниот придонес за развојот на културата во Војводина.

Со доаѓањето во некогашен Чиб, денес Челарево, наследивме и 125 години богата историја. Наша должност е да искажеме благодарност и по повод овој голем јубилеј да ја раскажеме приказната за наследената оставина, пиварницата и пивото, рече на промоцијата Владимир Вава, генерален директор на „Карлсберг" - Србија.

Од 2003 година „Карлсберг" во Србија вложил околу 220 милиони евра, од кои 60 милиони за купување на пиварницата во Челарево. За оваа година компанијата најави инвестиција од 6 милиони евра. Во нивното портфолио се вбројуваат пивата LAV, LAV 7, Tuborg Green; Holsten и Carlsberg.