ЈТИ со пораст на производство и извоз

Оваа година „Јапан Тобако Интернационал“ (ЈТИ) во Србија од одгледувачите на тутун очекува да откупи 3.680 тони од видовите „Вирџинија“ и „Берлеј“ засадени на вкупно 1.803 хектари земјиште, што е за 80 хектари повеќе засаден тутун отколку минатата година, соопштија од компанијата.

Оваа година „Јапан Тобако Интернационал" (ЈТИ) во Србија од одгледувачите на тутун очекува да откупи 3.680 тони од видовите „Вирџинија" и „Берлеј" засадени на вкупно 1.803 хектари земјиште, што е за 80 хектари повеќе засаден тутун отколку минатата година, соопштија од компанијата.

Просечниот принос што се очекува треба да биде на ниво од минатогодишниот – околу 2.050 килограми по хектар, што за ваква сушна година е задоволително, истакнува Жељко Ананиќ, шеф на производство на тутун во фабриката на ЈТИ. Тој додаде дека минатата година ЈТИ извезол тутун во ЕУ вреден околу 11 милиони долари, како и тоа дека, споредено со првата половина од минатата година, оваа година извозот е зголемен за 46%: Она што го прави производството на тутун одржливо е усвојувањето на тригодишна стратегија за одгледување тутун, што од една страна им дава сигурност на фармерите, а од друга обезбедува прегледност на деловното опкружување, што е од најголемо значење за инвеститорите.

Како што истакнуваат од компанијата, ЈТИ соработува со околу 400 одгледувачи на тутун и таа соработка подразбира поддршка за фармерите во сите фази на производство на тутун. Оваа година се воведени интензивни тренинзи за фармерите во текот на целата вегетациска сезона за квалитетна примена на сите агротехнички мерки.