Извозот на рекордно ниво

Словенечкиот извоз во третиот квартал порасна за 6,8 отсто, а за девет месеци од оваа година ги надмина досега рекордните 17 милијарди евра, со просечен пораст од 6 отсто.

Најповолен месечен резултат забележан е во јуни, кога е остварен суфицит во размената на стоки во странство од 105,5 милиони евра, со покриеност на увозот од 105,7 отсто.

Во првата половина од оваа година најмногу порасна извозот во Хрватска, Австрија и Германија. Вкупната вредност на извозот во првото полугодие изнесува 11,3 милијарди евра, со суфицит на платниот биланс од 208,5 милиони евра. 

Словенечкиот извоз расте две години по ред и оваа година претставува главен генератор за закрепнувањето на стопанството, а и порано извозот ја спасуваше Словенија од подлабока рецесија, анализираат словенечките економисти. 

Сепак, има и мислења дека структурата на словенечкиот извоз не е најповолна, бидејќи зависи од соседните држави и пазарот во ЕУ, каде што доаѓа до пад на потрошувачката и стагнација.