„Имлек“ ја купи „Нишка млекара“

Компанијата „Имлек", кон крајот на октомври, потпиша договор за купување на сто проценти од сопствеништвото на „Нишка млекара", една од најголемите во јужна Србија.

Со купувањето на „Нишка млекара", „Имлек" ќе ја зајакне позицијата на пазарот во јужна Србија, а ќе го осовремени и унапреди работењето на компанијата. По преземањето, планирани се и многубројни инвестиции, за да се приспособат производствените процеси од млекарницата во Ниш, на стандардите на „Имлек". Оваа аквизиција претставува реализација на нашите планови за унапредување и ширење на работењето на компанијата, изјави Илија Шетка, генерален директор на „Имлек".

Како што соопштуваат од компанијата, тие планираат да го унапредат производствениот процес на „Нишка млекара" и да го унапредат нејзиниот најпознат бренд – Vedro.

Инаку, „Имлек" работи и на регионалните пазари во Босна и Херцеговина, Македонија и во Црна Гора.

„Имлек" е една од компаниите со најдолга традиција, препознатлива по производи со највисок квалитет и постојани вложувања во модернизација на производството и во работењето, истакна „Имлек".