„Имлек“ доби зелено светло за преземање на „Нишка млекара“

Комисијата за заштита на конкуренцијата соопшти дека на компанијата „Имлек" ѝ одобри купување на 100 проценти од „Нишка млекара".

Како што соопштуваат од комисијата, по спроведената испитна постапка, одлуката е донесена во согласност со Законот за заштита на конкуренцијата.

„Имлек" од Падинска Скела, кон крајот на октомври 2015 година потпиша договор за купување на „Нишка млекара", една од најголемите млекарници во Јужна Србија. Како што тогаш беше соопштено, плановите на компанијата се насочени кон зголемување на производството на „Нишка млекара" и унапредување на нејзиниот најпознат бренд 

Vedro.

„Имлек" работи во Србија, Црна Гора, Македонија, Босна и Херцеговина и Хрватска, а млекото го откупува од 3.800 производители. Млекарницата е дел од групацијата „Мои брендови", заедно со компаниите „Бамби" и „Књаз Милош", чиј сопственик е инвестицискиот фонд „Мид Европа партнерс".