„Идеа Лондон“ – нова ексклузивна продавница

По повод отворањето на новата ексклузивна продавница „Идеа Лондон" на 5 март, се одржа фестивалот „Лондон во Белград". Повеќе од 67.350 посетители имаа можност да уживаат во големата забава и во богатата програма на белградската улица „Крал Милан", каде што е лоцирана продавницата.

Првата „Идеа Лондон" во Белград, со изгледот и со услугата, има мисија да го долови амбиентот на купување во Лондон. Од компанијата велат дека продавницата, која се наоѓа на локација што е добро позната за сите белграѓани, ќе биде поинаква од сите продажни објекти во градот. Таа е наменета за сите што го сакаат урбаното, различното и модерното, а традиционалните англиски производи, пивата со најдобар квалитет, чаевите и бисквитите, се само дел од богата понуда. 

Необичниот асортиман со најдобрите англиски производи, уникатно отсликаниот ентериер, вработените со униформи кои се дело на познат српски дизајнер, како и лондонските телефонски говорници, кои потрошувачите ќе може бесплатно да ги користат, се само некои од интересните детали за посетителите, соопштуваат од компанијата.