Хрватска извезла 93 тони вино во Србија во 2016

Хрватска извезла во Србија 93 тони вино во вредност од околу 500.000 евра, а увезла двојно повеќе — 189 тона, но со двојно пониска вредност, која изнесувала 252.771 евра. 

Српскиот пазар бил интересен за врвните и квалитетните хрватски вина, при што преку винска етикета, фондовите за вино на ЕУ, во последните три години ја засилиле својата маркетиншка активност на српскиот пазар.

Според податоците претставени на Саемот на виното — BeoWine, кој се одржа на крајот од февруари во Белград, во 2016 година од извоз на вино Србија остварила 13,4 милиони евра, а увезла вино во износ од 23,6 милиони евра.

На листата на извозници, Србија е на 43 место, пред Хрватска, а пред неа се Црна Гора (41), Романија (37), Бугарија (30), Македонија (29) и Унгарија (24). 

Србија некогаш имала 110.000 хектари лозја. Како последица на транзицијата и приватизацијата, лозарството во Србија денес е застапено на околу 22.000 хектари, но познавачите на оваа стопанска гранка проценуваат дека состојбата се подобрува, во поглед на квалитетот, иновативноста и приближувањето кон европските стандарди. Најзастапени сорти се грашевината, односно италијанскиот ризлинг — околу 14 отсто, следна е каберне совињон со 9 отсто, мерло — 8,5 отсто, рајнски ризлинг — 7,8 отсто и шардоне - 6,7 отсто. До сега се заштитени три ознаки на географско потекло — „Књажевац", „Неготинска краина" и „Шумадија". Со лозарство се занимаваат околу 80.000 семејства, а се смета дека се активни околу 230 винарници.