„Хофер“ доби признание за компанија пријател на семејството

Трговската компанија „Хофер" – Словенија доби сертификат за „Компанија пријател на семејството" и позитивна оцена за мерките со кои на вработените ќе им овозможи уште полесно да ги ускладат семејниот и професионалниот живот.

Словенечката подружница на меѓународниот трговски синџир подготви пакет мерки со многубројни погодности за вработените, од кои голем дел веќе и ги применува, сакајќи да создаде поттикнувачки услови за работа во „Хофер".

Постапката за издавање на сертификатот ја води институтот „Еквилиб", со поддршка од Министерството за труд, семејство и социјални работи и еднакви можности, како и од Европскиот социјален фонд.

„Хофер" си даде предизвик во претстојните три години да реализира девет мерки од областа на внатрешното и надворешното комуницирање, организацијата на работата, развојот на кадри и на организирање настани за вработените, како и за членовите на нивните семејства.

Особено внимание при дизајнирањето на мерките посветивме на тоа секому да му се овозможи што пооптимално да ги усогласи семејниот и професионалниот живот. Разноличната структура на вработените и различните работни процеси ни наметнуваат вакви, приспособени мерки, за што тимот што ги дизајнираше особено внимаваше, велат од „Хофер" - Словенија.

Покрај месечната плата, чиј износ е над просечните лични примања во индустријата, вработените во компанијата добиваат секојдневно бесплатно свежи овожје и зеленчук, кафе и чај, учество во многу спортски нaастани, здравствена грижа, дополнително пензиско осигурување, помош за идните родители, подароци за првачињата, како и продолжено породилно отсуство.