„Хенкел“ почна изградба на фабрика во Билеќа

Компанијата „Хенкел - Цересит" - БиХ на локалитетот „Дракуљица" во Билеќа го означи почетокот на изградбата на фабриката која ќе има регионално значење и ќе вработува повеќе од десет работници, пренесува „Екапија".

Директрот на „Хенкел-Цересит" – БиХ Предраг Армуш кажа дека новата фабрика е планирано да биде завршена до март, следната година и дека во неа ќе се произведуваат прашкасти производи наменети за градежништвото, како и производи за термоизолација на објектите. Производите се наменети за пазарите во БиХ, Хрватска, Црна Гора  и Албанија.

Фабриката ќе заземе површина од 6.000 квадратни метри и се гради во согласност со највисоките технички, технолошки и еколошки стандарди: Производите со висок квалитет, кои се популарни во светот, ќе се произведуваат и во оваа фабрика, а се надеваме дека во иднина ќе претставуваме генератор за развој на стопанството во општината Билеќа, изјави Армуш.

Според неговите зборови, со завршувањето на изградбата на фабриката директно ќе бидат вработени триесетина работници, додека индиректно тој број ќе биде многу поголем.

Географската позиција на Билеќа е исклучително важна за „Хенкел-Цересит" - БиХ и сметаме дека со изградбата на оваа фабрика ќе обезбедиме долгорочен пораст и развој во работењето, додаде Армуш.