„Хенкел“ отвори нова производствена линија

Во фабриката на „Хенкел" во Крушевац од први ноември, како дел од Мастерплан проектот, се пушти во употреба новата производна линија.

Благодарение на оваа инвестиција вредна над два милиони евра, тука ќе се произведува меѓународниот бренд Bref за домашни и странски пазари, вклучувајќи ја и Европската унија. Како што објаснуваат од компанијата, ова е дел од Мастерплан проектот, кој подразбира преместување, автоматизација и зголемување на капацитетот на фабриката за течни средства. Во Крушевац, освен Bref, ќе се произведуваат и: Somat, Pur, Pril, Clin и Opti и ќе се извезуваат на пазарите ширум Европа. Џорџ Грасл, претседателот на „Хенкел" во Србија, изјави: Оваа година славиме десетгодишнина од работењето на „Хенкел" во Србија и има бројни причини што нас нè прават горди на успехот што компанијата го остварила во текот на тој период. Како резултат од нашето стратешко размислување, увидувањето на силата на домашниот пазар и бројните инвестиции, денес имаме можност да почнеме со ново производство во нашата фабрика во Крушевац. Со тоа ја покажуваме нашата посветеност на понатамошниот развој и ширење на деловните капацитети со нагласок на извозот во нови држави, вклучувајќи ги и државите од Европската унија.