„Хенкел“ го претстави проектот „Тејп-аут“

На работниот состанок, организиран во просториите на „Хенкел" – Србија на 4 септември, беше претставен проектот „Тејп-аут", што подразбира употреба на лепило хот-мелт при пакувањето.

Проектот е реализиран како резултат на соработката на „Хенкел" – Србија со „Стентек", компанија за проектирање и производство на машини и системи за пакување и „Мелтек", службен дистрибутер на „Нордсон", мултинационална компанија за производство на индустриски лепила, изолатори и бои. Претставниците од компаниите ги претставија најновите лепила, апликатори од лепилата хот-мелт и автоматски системи за картонирање, како и ефектите од нивната употреба и тенденциите во таа област.

Благодарејќи на иновацијата во процесот на завршното лепење на кутиите со употреба на лепилото хот-мелт, наместо лепливата лента, се постигнуваат бројни придобивки: финансиска заштеда и заштеда на време, сигурност на содржината на кутиите и отпорност кон надворешни влијанија.

Унапредувањето на технологијата на пакување има за цел да ги развие квалитетите  и да ги унифицира пакувањата што излегуваат на пазарот, но и да го намали трошењето на енергијата и репроматеријалите т.е. значајно да ја зголеми ефикасноста на производството. „Хенкел" како лидер на пазарот, постојано ги следи трендовите во развојот на технологијата и континуирано воведува иновации во своето работење.

Новите тенденции и технологии во областа на пакувањето се вистински пример за квалитетна и успешна соработка на сите партнери во овој проект. Заедно ќе продолжиме да поставуваме нови стандарди и да поттикнуваме иновации, рече Дејан Одаџиќ, менаџер за проекти и техничка поддршка за централна и источна Европа во секторот атхезивна технологија на „Хенкел" – Србија.