Халал сертификат за „Карнекс“

Агенцијата за сертификација на квалитетот Халал неодамна го врачи Халал сертификатот на месната индустрија „Карнекс".

По низата спроведени и контролирани постапки во производството со сертификацијата се опфатени производите од говедско месо, а во наредниот период во план е сертифицирање на пилешката, говедската и рибната програма.

„Карнекс" е една од најголемите месни индустрии во Србија која, поради конкурентноста на домашниот пазар и поради извозот ја препозна неопходноста за имплементација на овој стандард.

По повод врачувањето на сертификатот, директорот на Агенцијата Самир Тандир изјави дека пазарите на Халал се извозна шанса за Србија и ја повика Владата на Србија да ги субвенционира компаниите кои го имплементираат стандардот Халал, бидејќи, како што истакна, тоа е премногу сериозен натпревар за фирмите да бидат препуштени самите на себе.

Со зголемувањето на извозот ќе го зголемиме и бројот на вработени во Србија, а тоа ќе се забележи во сите сегменти во животот, наведено е во соопштението на компанијата.