Групацијата „Делез“ ги продава објектите

Белгиската малопродажна компанија, групацијата „Делез" објави дека постигна договор со компанијата „Експо Комерц" за продажба на 25 продавници во Црна Гора од форматите „Макси", „Мини Макси" и „Темпо".

Како што порачуваат од компанијата, групацијата „Делез" потпиша договор за продажба на сите 25 продавници што ги има во Црна Гора, од форматите „Макси", „Мини Макси" и „Темпо". Во 2012 година овие продавници оствариле вкупен приход од околу 50 милиони евра. 

„Експо" е дистрибутер на најголемите брендови од секторот стока за широка потрошувачка. „Делез" и „Експо" ќе соработуваат под договор за франшиза, при што е договорено да се задржат имињата на продавниците, стои во соопштението.

Се очекува трансакцијата да заврши во четвртиот квартал од 2013 година, а тоа зависи од добивањето на потребните дозволи, како и постигнување на посебните услови околу транксакциите и подесувањето на обртниот капитал.