„Гринбеј“ го купи коперскиот „Планет Туш“

Јужноафриканскиот фонд за недвижности „Гринбеј", кој котира на берзата во Маврициус, за трговскиот центар „Платен Туш" во Копер платил 56 милиони евра, а „Туш" и понатаму ќе остане најголемиот потстанар во објектот.

Групацијата „Туш" објави дека со „Гринбеј", кој имал најдобра понуда, потпишала купопродажен договор и договор за партнерство, според кои, „Туш" ќе остане во трговскиот центар.

Продажбата е продолжение на стратегијата за финасиска реконструкција на групацијата „Туш", која се повлекува од другите активности за да се фокусира на трговијата.

Задоволни сме со потпишувањето на овој договор, бидејќи ги остваривме најдобрите можни услови за сите учесници, рекоа од „Туш".

Коперскиот продажен центар се простира на речиси 32.000 квадратни метри, а годишно го посетуваат околу 3,5 милиони луѓе. Ова е првата инвестиција на „Гринбеј" во Словенија.