Големите синџири „згаснаа“ 500 мали продавници

За седум години во Бања Лука се затворени 500 мали продавници, а еден од најважните причини е ширењето на големите трговски синџири. 

Сѐ помал е бројот на самостојни продавници, што може да се види од податокот дека во 2009 година имало 650 мали продавници, додека во 2016 година има само 150 продавници, изјави Богдан Марјановиќ, претседател на Асоцијацијата на самостојни трговци во регионот на Бања Лука. 

Кога почнаа да се отвораат познатите модерни верзии на трговски центри, во 2006 година во Бања Лука постоеле само два поголеми центри – „Интерекс" и „Тропик". Сега, отворени се „Бинго", „Робот", „Корт", а се очекува отворање и на „Делта холдинг",„Бинго" – Тузла и заедничкиот центар на „Идеал компани" и „Тропик", што веќе почна со работа на терен.

Малите продавници опстојуваат во помалите општини и во руралните места, каде нема трговски центри, додека во поголемите градови сѐ помалку ги има.

Големите трговски синџири на своите полици имаат поевтини производи, бидејќи имаат можност, преку големи набавки, да ги условуваат доставувачите и производителите, додека ние ја немаме таа можност, објаснува Марјановиќ.

Борбата со конкуренцијата повеќе не се одвива меѓу големите трговски синџири и малите продавници, туку меѓу сѐ поголемиот број трговски центри, отворени од големите трговци.