Големи признанија за „Беохемија“ во Дизелдорф

Компанијата „Беохемија" и нејзиниот бренд Duel, добија неколку значајни признанија на саемот „Еуромолд" во Дизелдорф.

Како што е соопштено од компанијата, станува збор за еден од најпрестижните саеми од областа на дизајнот и развојот на производите.

Од вкупно 453 изложувачи од сите делови од светот, „Беохемија" доби диплома за исклучително достигнување во развојот на брендот Duel, како и диплома и златна статуетка за саемски настап.

Целта на европските интеграции мора да биде подигнување на квалитетот на нашите производи на европско ниво, а не пропуштање на производството на компаниите од развиените земји од светот. Доколку ги исполниме стандардите во нашата производствена пракса и на нашиот потрошувач му понудиме квалитет што го имаат потрошувачите од ЕУ, тогаш и европските ескперти ќе го препознаат тоа и ќе ја сметаат нашата компанија како важен дел од своите пазари, истакнуваат од „Беохемија".