Голем златен медал за Dingač 50° на „Бадел 1862“

Виното Dingač 50° на хрватскиот производител на вино и на алкохолни пијалаци „Бадел 1862" го освои престижниот голем златен медал на меѓународниот натпревар Concours Mundial de Bruxelles, кој неодамна беше одржан во Брисел.

Педесетгодишното искуство на „Бадел 1862" со виното од сортата дингач, неодамна беше надградено со виното Dingač 50° од категоријата „врвни вина", специфично за полуостровот Пељешац.

Dingač 50° е врвно вино, настанато како плод на успешната соработка на енолозите на „Бадел" со одбрани винари од Пељешац и е нов, модерен пресврт во производството на дингач.

Името на виното, Dingač 50°, е настанато според просечната косина на теренот на кој расте грозјето од сортата дингач. Таквата положба, како што велат винарите од Пељешац, му овозможува на грозјето да зрее на три сонца: од небото, од сонцето што се одбива од камењата и од сонцето што се рефлектира од морето.