Годишна конференција на компанијата „Гомекс“

Трговскиот синџир „Гомекс" ја одржа редовната годишна конференција за медиумите и во таа пригода ги претстави клучните показатели во работењето на компанијата која оваа година слави 18 години постоење.

Компанијата ја претставија генералниот директор Горан Ковачевиќ, извршниот директор Драган Ранисављевиќ и извршниот директор за комерцијални работи Милун Војиновиќ.

Тие се навратија на развојот на синџирот од основањето до денес и на работењето минатата година, која според финансиските показатели, била успешна. Ковачевиќ како клучен фактор за успехот го наведе фактот дека компанијата секогаш реагирала на време на сите промени што се случувале на пазарот и најави како и во која насока ќе се движи работата на синџирот во наредниот период.

„Картичка Касичка"

На конференцијата беше претставена и „Картичката Касичка", со што почна програмата за лојалност во компанијата. Програмата се состои од два дела – во првата фаза трговецот на потрошувачите ќе им понуди картичка што според својата функција ќе биде идентификациска картичка и која ќе овозможи заштеда на местото на продажбата. Во следната фаза, што почнува веднаш по втората, трговецот ќе лансира и платежна (кредитна) картичка која на физичките и на правните лица ќе им овозможи купување на одложено.