„Франк“ стана член на „Интернационал кофи партнерс“

Со потпишување договор на почетокот на оваа година, „Франк" стана рамноправен член во „Интернационал кофи партнерс" (ИКП) со седиште во Хамбург, каде што се собрани водечките европски произведувачи и трговци на кафе.

Целта на ИКП е зајакнување и нудење поддршка на малите одгледувачи на кафе, со што ќе се овозможи зголемување на приносот, подобар квалитет, поголема конкурентност и подобрување на условите. Како и сите партнери на ИКП, и „Франк" активно е вклучен во реализацијата на проектот, овозможувајќи финансиска и советодавна поддршка.

Во „Франк" сме свесни за својата улога и одговорност, што со себе повлекува статус на водечки производител на кафе на хрватскиот пазар, поради што особено сме насочени кон квалитетот на суровините и одржливоста на целокупниот синџир за набавка и производство. Горди сме што сме во друштвото на најсилните европски компании, истакна Иван Артуковиќ, управен член на „Франк".

ИКП е непрофитна иницијатива, односно друштво што беше основано во 2001 година одводечките европски произведувачи и трговци со кафе: „Паулинг" од Финска, „Луфбергс Лила" од Шведска, „Лаваца" од Италија, „Неуман кофи група" и „Чибо" од Германија. „Јох. Јохансон кафе" од Норвешка се придружи во 2011 година, а „Франк" во 2014 година.