„Феркам“ отвори претставништво во Белград

Србија е следната земја на мапата на експанзија на италијанската компанија за транспорт и логистика „Феркам". Од 1 август официјално почна да работи претставништвото во Србија, компанијата-ќерка „Феркам Белград".

Според директорот за транспорт на „Феркам", Хансјоерг Фалер, претставништвото во Србија има големи шанси за успешно работење и пораст

Сакаме да бидеме што поблиску до нашите клиенти во Европа, а сега и кон оние што го преселија своето производство во Србија. Нашата цел е со нашата флота и со партнерските компании да им понудиме стабилни транспортни услуги од Србија и од соседните земји. Во периодот што претстои ќе бидеме фокусирани на сувоземниот сообраќај, а во периодот потоа планираме да се посветиме на интермодалниот формат железници-пат, изјави Фалер.

Спроед компанијата, на добрите резултати на претставништвото во Белград позитивно ќе влијае и договорот за слободна трговија помеѓу Србија и Русија, кој, според очекувањата, ќе им овозможи зголемен извоз на земјоделски производи и храна.

„Феркам" е основана во Италија и има вкупно 89 експозитури, со 1.900 вработени, и 3.000 вработени во системот на парнерските компании, со годишен промет од околу 700 милиони евра.