„Феравино“ извезува на азискиот пазар и во северна Европа

Минатата година за „Феравино" заврши со значаен пораст на продажбата на вино, рече Жељко Јироуш, директор за продажба и маркетинг, а пренесува „Глас Славоније".

Минатата година беше обележана со значаен успех. На меѓународното оценување на вино „Декантер" 2013, како и на меѓународниот натпревар „Сира д’ Монд" 2013, вината од Феричанци го потрврдија својот континуиран квалитет.

На лондонскиот „Декантер", светски вински натпревар, виното „Франковка Мираз", 2009 по вторпат, а „Сира Мираз" за првпат освоија бронзени медали. На седмото издание на „ Сира д’ Монд ", меѓународен натпревар за шира-вина, „Сира Мираз" 2009 освои сребрен медал.

Како што кажа Јироуш, „Феравино" и понатаму ќе учествува на светските вински настани, а целта е влез на нови странски пазари, што не се зафатени со кризата. Можност за продажба на своите поскапи производи, „Феравино" гледа во данскиот, кинескиот, англискиот, норвешкиот и јапонскиот пазар.

Последната година „Феравино" вложи повеќе средства во технологијата, лозјата и подрумите, што го зголеми квалитетот на виното.