„Екопак“ стана член на организацијата „Про Јуроп“

Непрофитната компанија „Екопак" официјално стана членка на организацијата „Про Јуроп". Со ова членство „Екопак" на своите клиенти ќе им овозможи да го користат симболот „зелена точка" на својата амбалажа.

„Зелената точка" е меѓународно признаен и заштитен знак, кој на секое поединечно парче амбалажа означува дека за таа амбалажа е платен надомест на овластениот оператор со системи за амбалажен отпад, а функционира во согласност со принципите дефинирани со Директивата 94/62 на Европската унија наменета за амбалажа и амбалажен отпад. 

Договорот со којшто е официјализирано членството го потпишаа директорот на организацијата „Про Јуроп", Урсула Денисон, и директорот на „Екопак", Амела Хрбат.

Воспоставувањето на системот за собирање и рециклажа на амбалажниот отпад во БиХ се почна за да се исполнат целите од Правилникот за управување со амбалажа и со амбалажен отпад, истакна Хрбат, додавајќи дека „Екопак" моментално опфаќа 350 компании што заедно сочинуваат дел од европскиот систем за рециклажа.

Основачи на „Екопак" се „Кока Кола Хеленик", „Бимал", „Бихаќка пивара", „Бањалучка пивара" и „Аргета", а на групацијата брзо ѝ се приклучија и „Виолета" и „Орбико".