„Е. Леклер“ почна со достава до дома

Францускиот трговец „Е. Леклер" ја прошири е-платформата во Словенија, со воведување на услугата достава на интернет-нарачките на домашна адреса.

Новата услуга е дополнување на опцијата „клик &колект", која трговецот ја нуди на две локации – во Рудник и во Мосте. Доставата на домашна адреса на почетокот ќе биде ограничена на Љубљана и на непосредното опкружување, а подоцна ќе се прошири и на други делови од земјата.

Доставата е овозможена од договорот, што „Е. Леклер" го склучи со курирската служба ДПД – Словенија, која е дел од групацијата ДПД.

„Е. Леклер драјв" во Словенија беше лансиран во 2014 година. Интернет-базата засега брои околу 16.000 потрошувачи, кои имаат на раслопагање избор од 10.000 производи.