Дводневна рација за случајот „Агрокор“

Хрватското обвинителство во понеделникот почна акција со која беше извршен претрес на неколку локации во Загреб поврзани со сопственикот на „Агрокор", Ивица Тодориќ.

Како што јавува порталот dnevnik.hr, претресот во домот на семејството Тодориќ продолжил и денеска, а почнало и сослушувањето на 12-те осомничените.

Според телевизијата „Нова ТВ", се' уште не е познато каде се наоѓа Ивица Тодориќ, против кого, заедно со управата на „Агрокор", се поднесени неколку кривични пријави.

На почетокот од претресот, Тодориќ преку својот блог порача дека се работи за политички процес и дека се што се случува во моментот поврзано со „Агреокор" е „политичка претстава за јавноста".

Според сознанијата на весникот „Вечерњи лист", Тодориќ се наоѓа во Лондон, а таму му се придружиле и неговите синови, Иван и Анте, каде што заедно ја подготвуваат одбраната и понатамошната стратегија.